L-aċċidenti tat-traffiku naqsu b’mod sinifikanti matul l-ewwel tliet xhur tal-2025, skont statistika maħruġa mill-Uffiċċju Nazzjonali tal-Istatistika (NSO). Bejn Jannar u Marzu ta’ din is-sena, in-numru ta’ inċidenti tat-traffiku naqas b’9.0% meta mqabbel mal-istess perjodu fl-2024. Kien hemm ukoll tnaqqis ta’ 11.9% fin-numru ta’ nies midruba f’dawn l-inċidenti.
Minkejja t-tnaqqis, erba’ persuni – tliet irġiel u mara tilfu ħajjithom f’inċidenti tat-traffiku matul dan il-perjodu. Dan ifakkar li għalkemm is-sitwazzjoni qiegħda titjieb, is-sigurtà fit-toroq tibqa’ prijorità.
L-akbar għadd ta’ inċidenti tat-traffiku ġraw fil-jum tal-Ġimgħa, b’total ta’ 564 każ – 16.3% tat-total. Birkirkara kienet il-lokalità bl-ogħla numru ta’ inċidenti, bi 215 każ matul l-ewwel kwart tas-sena.
