Il-kowċ nazzjonali Malti, it-Taljan Emilio De Leo sejjaħ skwadra proviżorja ta’ 35 plejer bi preparazzjoni għall-aħħar żewġ impenji uffiċjali li jmissha tilgħab Malta fit-tmiem ta’ dan l-istaġun 2024/25.
Fis-7 u l-10 ta’ Ġunju li ġej, Malta tilgħab it-tielet u r-raba’ logħba tagħha f’Grupp C għall-kwalifikazzjoni tat-Tazza tad-Dinja tal-2026 kontra l-Litwanja u l-Olanda. L-ewel partita, dik tas-7 ta’ Ġunju kontra l-Litwanja, se tkun qed tintlagħab f’Ta’Qali, u l-partita ta’ wara, dik ta’ nhar it-Tlieta, 10 ta’ Ġunju, se tintlagħab f’ Groningen, Malta se tilgħab l-itqal konfront li għandha skedat f’dan il-grupp ta’ kwalifikazzjoni kontra l-Olanda ta’ Ronald Koeman.
Għal darb’oħra De Leo, kif għamel bi preparazzjoni għall-ewwel żewġ partiti tal-grupp, hu sejjaħ skwadra proviżorja kbira fl-ammont ta’ plejers, biex eventwalment jiem qabel l-ewwel logħba jnaqqar is-selezzjoni Maltija għal madwar 26 plejer.
F’din l-iskwadra preliminmari, hemm assenti il-winger ta’ FC Sion, fl-Iżvizzera, Ilyas Chouaref li se jkun qed jiskonta sospensjoni ta’ żewġ partiti wara li tkeċċa fl-aħħar partita kontra l-Polonja.
Fuq nota pożittiva iżda, fl-iskwadra ta’ De Leo rritornaw diversi uċuħ li kienu asenti fl-aħħar partiti fosthom Jodi Jones, Jurgen Degabriele u Kemar Reid.
Jodi Jones jirritorna mill-ġdid mat-tim nazzjonali Malti.
Mgħajta ukoll fost il-35 plejer hemm iż-żewġ difensuri ċentrali Maltin li għal kontra l-Litwanja se jkunu sospsiżi, iżda se jkunu disponibbli għall-partita importanti kontra l-Olanda. Dawn huma Kurt Shaw u Gabriel Mentz.
Għal darb’oħra kowċ De Leo kompla jintroduċi aktar uċuħ żgħażagħ fl-etá. Apparti li reġa’ inkludu lill-gowlkiper żagħżugħ ta’ Melita, James Sissons li għandu 18-il sena, hu sejjaħ ukoll lill-gowlkiper ta’ Naxxar Lions, Matthias Debono.
Matthias Debono, gowlkiper ta’ Naxxar Lions, hu wieħed mill-35 plejer mgħajjat minn Emilio De Leo fl-iskwadra proviżorja ta’ Malta.
Żewġ plejers oħra żgħażagħ u li qed jissejħu għall-ewwel darba f’din l-iskwadra huma l-attakkanti li jilgħabu fl-Ingilterra; Joshua Pitts, li jilgħab mat-tim ta’ taħt it-18-il sena ta’ Ipswich Town u Gunner Elliott, li jilgħab ma’ Chesterfield FC, f’League 2 u għad għandu 16-il sena biss.
Joshua Pitts u Gunner Elliott, li għandhom 16-il sena u 18-il sena rispettivament, huma parti mis-sejħa proviżorja ta’ 35 plejer minn Emilio De Leo għall-partiti li jmissha Malta kontra l-Litwanja u l-Olanda rispettivament.
L-iskwadra kompluta u proviżorja ta’ 35 plejer, li ħabbar aktar kmieni llum De Leo hi din:
Gowlkipers
Rashed Al Tumi (FC Sheriff Tiraspol – MDA), Henry Bonello (Ħamrun Spartans FC), James Sissons (Melita FC), Matthias Debono (Naxxar Lions FC).
Difensuri
Zach Muscat (Sanliurfaspor – TUR), Carlo Zammit Lonardelli (Floriana FC), Juan Carlos Corbalan (Marsaxlokk FC), James Lee Carragher (Wigan Athletic FC – ENG), Steve Borg (Ħamrun Spartans FC), Kurt Shaw (Hibernians FC), Enrico Pepe (Gżira United FC), Jean Borg (Sliema Wanderers FC), Neil Micallef (Birkirkara FC), Gabriel Mentz (Gżira United FC), Ryan Camenzuli (Ħamrun Spartans FC), Myles Beerman (Sliema Wanderers FC).
Midfielders
Matthew Guillaumier (FKS Stal Mielec Spolka Akcyjna – POL), Brandon Diego Paiber (Valletta FC), Bjorn Kristensen (Hibernians FC), Alexander Satariano (Birkirkara FC), Jake Azzopardi (Valletta FC), Dunstan Vella (Floriana FC), Teddy Teuma (Stade de Reims FC – FRA), Jake Grech (Floriana FC), Steven Pisani (Sliema Wanderers FC).
Attakanti
Joseph E. Mbong (Ħamrun Spartans FC), Adam Magri Overend (Sliema Wanderers FC), Jodi Jones (Notts County FC – ENG), Paul Mbong (Birkirkara FC), Jurgen Degabriele (Hibernians FC), Basil Tenywa Tuma (Reading FC – ENG), Kemar Reid (Birkirkara FC), Kyrian Nwoko (Sliema Wanderers FC), Joshua Pitts (Ipswich Town – ENG), Gunner Elliott (Chesterfield FC – ENG)
