Waqt il-laqgħa ġenerali annwali li saret dalgħodu mill-klabb ta’ Floriana, il-President Johann Said kiseb l-akbar ammont ta’ voti waqt elezzjoni għall-membri tal-kumitat il-ġdid. B’kollox dan il-kumitat se jkun kompost minn 11-il persuna, li jinkludi lil Said.
Il-bqija tal-membri l-oħra fil-Kumitat ta’ Floriana, li se jkunu qed jiffurmaw din it-tmexxija flimkien ma’ Said huma Jacques Grima, Raymond Vella, Mark Edward Galea, Liam Fenech, Anton Vella, Kelly Cesare, Omar Aquilina, Karl De Flavia, Nigel Holland u Ryan Agius.
Said mistenni jerġa’ jkun konfermat President ta’ Floriana, f’laqgħa oħra u separata li għad trid issir mill-kumitat il-ġdid u li matulha għandhom ikunu deċiżi l-karigi kollha fil-Kumitat ta’ Floriana għall-istaġun il-ġdid 2025/26.
