Is-Sibt għall-ħabta tad-9am, ambulanza u Pulizija issejħu f’Naxxar Road f’Birkirkara wara li cab inqalbet f’nofs ta’ triq.
Il-Pulizija ġew infurmati li karozza Suzuki S Cross tilfet il-kontroll u spiċċat fuq il-ġenb.
Għadd ta’ persuni li kienu għaddejin mill-post waqfu biex jagħtu l-ewwel assistenza.
Ambulanza marret fil-post biex tagħti l-għajnuna, iżda rriżulta li ħadd ma weġġa f’dan l-inċident.
It-triq ingħalqet sakemm il-Protezzjoni Ċivili ħadmu biex ineħħu l-karozza.
