Li nsalvaw Manoel Island u nrodduha lill-pubbliku bħala park nazzjonali, kisbet momentum akbar issa li l-Oppożizzjoni ddikjarat li tappoġġjha l-petizzjoni li ffirmaw aktar minn 29,000 persuna.
Dan intqal fi stqarrija maħruġa minn seba’ NGOs li laqgħu din id-deċiżjoni li ħabbar Bernard Grech.
L-NGOs jittamaw li dan il-Gvern iħalli legat billi jkun kuraġġuż biżżejjed u jiddikjara li se jipproteġi l-Manoel Island minn kull żvilupp u joħloq park li jista’ jitgawda minn kulħadd.
L-NGO’s firmatarji ta’ din l-istqarrija huma:
- Azzjoni: Tuna Artna Lura
- BirdLife Malta
- Din l-Art Ħelwa
- Flimkien għal Ambjent Aħjar
- Friends of the Earth Malta
- Moviment Graffitti
- Nature Trust – FEE Malta
