Ilbieraħ, għall-ħabta tad-9:15pm, il-Pulizija ġiet infurmata b’inċident tat-traffiku f’Kennedy Drive, San Pawl il-Baħar.
Il-Pulizija marret minnufih fuq il-post u minn stħarriġ preliminari rriżulta li raġel kien sofra xi ġrieħi wara li allegatament, waqt li kien qed isuq mutur Peugeot Tweet, intlaqat minn vettura li baqgħet sejra.
Il-vittma huwa żagħżugħ minn Nepal li għandu 21 sena u residenti San Pawl il-Baħar stess.
Fuq il-post issejjaħ tim mediku u ambulanza ħadet lir-raġel l-Isptar Mater Dei, fejn ġie ċċertifikat li weġġa’ gravi.
L- investigazzjonijiet tal-Pulizija għadhom għaddejjin.
