Raġel ta’ 61 sena residenti l-Imqabba, weġġa’ meta waqa’ minn madwar sular għoli waqt li kien fuq sellum f’bitħa ta’ residenza.
L-inċident seħħ għall-ħabta tal-għaxra ta’ filgħodu, fi Triq Santa Mansweta, Ħal Lija.
Fuq il-post issejjaħ tim mediku sabiex jassisti, u ambulanza ħadet lir-raġel l-Isptar Mater Dei għall-kura.
Iktar tard, huwa ġie ċċertifikat lio qiegħed fil-periklu tal-mewt.
L-investigazzjonijiet mill-Pulizija, flimkien mal-Awtorità għas-Saħħa u s-Sigurtà fuq il-post tax-Xogħol u mill-Awtorità tal-Bini u l-Kostruzzjoni għadhom għaddejjin.
