Żagħżugħ ta’ 20 sena ittieħed l-isptar b’emerġenza f’qagħda kritika wara li ħabat rasu mal-blat meta kien qiegħed jaqbeż fil-baħar f’Għajn Tuffieħa s-Sibt.
Hu għamel xi ħin taħt l-ilma qabel ma ndaqq l-alarm li kien hemm emerġenza.
Ħaddiema tal-isport tal-baħar tellawh fuq il-bajja, fejn it-tobba u lifeguards amministraw CPR fuq iż-żagħżugħ.
Minn hemm hu ttieħed l-isptar b’ambulanza u jinsab f’qagħda kritika.
