Borussia Dortmund laħqu ftehim ma’ Sunderland sabiex jakkwista lil Jobe Bellingham. Hu mifhum li Bellingham se jkun qed jissieħeb ma’ Dortmund għas-somma ta’ €32 miljun.
Il-midfielder ta’ 19-il sena, kellu staġun mill-aqwa ma’ Sunderland fejn saħansitra wassalhom għall-promozzjoni fil-Premier League. Jekk il-plejer jilħaq isir plejer ta’ Dortmund sal-10 ta’ Ġunju hu jkun jista’ jilgħab fil-Club World Cup li se tibda fl-14 ta’ Ġunju.
Jobe Bellingham jidher li se jkun qed jimxi fuq il-passi ta’ ħuh Jude Bellingham hekk kif qabel ma ssieħeb ma’ Real Madrid ukoll kien jilgħab ma’ Borussia Dortmund.
