“Xħin ftaħna l-knisja llum sibna din il-pittura fl-art. Fortunatament waqgħet matul illejl. Illum stess nibdew neżaminaw il-pitturi l-oħra u naraw x’għandu jsir.”
Hekk stqarr il-kappillan ta’ Ħal Balzan Mons. Karm Farrugia wara li matul illejl waqgħet waħda mill-pitturi li hemm mas-saqaf tal-korsija – li għandu forma ta’ arkata.
Din il-pittura partikolari kienet saret mill-artist Għawdxi Pawlu Camilleri Cauchi fis-snin disgħin.
Net News jinsab infurmat li l-parroċċa issa għaddejja bix-xogħol biex tara x’ġara eżatt, u kif tista’ tissewwa din il-ħsara.
