Il-Jott Jubatus ta’ Sean Borg , rebaħ il-Marzamemi Regatta Trophy , kompetizzjoni annwali tar-Royal Malta Yacht Club lejn Marzamemi.
Irjieħ ħfief matul il-vjaġġ lejn Marzamemi għamlu bidu diffiċli, li rrikjeda bidliet frekwenti ta’ qluħ u deċiżjonijiet strateġiċi mill-flotta. Il-kundizzjonijiet wasslu biex bosta ekwipaġġi rtiraw.
Filwaqt li t-tellieqa lejn Marzamemi ntrebħet minn Ton Ton Laferla Insurance ta’ Jonathan Gambin, u t-tellieqa lejn Malta minn Geisha ta’ Stefan Debattista, kien Jubatus ta’ Sean Borg li rebaħ it-trofew overall. Jubatus kien dartejn fit-tieni post fuq il-ħin korrett li kien biżżejjed biex jirbaħ din l-edizzjoni,
Jubatus rebaħ ukoll il-“line honours” fiż-żewġ tlielaq.
Fit-tieni post overall spiċċa l-jott tal-Jarhead Young Sailors Foundation – Jarhead – li kien immexxi minn Gary Mercieca filwaqt li Mario Sant, li kkompeta bil-jott Time Out, ukoll ikkummenta fuq il-kundizzjonijiet diffiċli.
Fil-Klassi tal-Cruisers, Janissah ta’ Mario Debono għamlet comeback b’saħħita. It-tim kien magħmul minn taħlita ta’ baħħara b’esperjenza u oħrajn li kienu qed jieħdu sehem għall-ewwel darba.
Debutt għal Mareamore, jott li kien qed jikkompeti double handed minn Ugo Vinti u Federico Saccani fejn rebħu l-Klassi RMYC Cruisers.
