Sewwieq ta’ muttur ittieħed l-Isptar Mater Dei wara li kien involut f’inċident tat-traffiku f’Ħal Luqa.
Il-każ seħħ għall-ħabta tal-11am, fi Triq Ħal Farruġ meta għal xi raġuni seħħet ħabta bejn mutur u karozza.
Is-sewwieq tal-mutur, raġel ta’ 53 sena li hu residenti l-Imqabba ittieħed l-Isptar Mater Dei b’ambulanza. Kelliem għall-Pulizija kkonferma ma’ Net News li s-sewwieq weġġa’ gravi.
L-investigazzjonijiet tal-Pulizija għadhom għaddejjin.
