Ftit sigħat wara l-attakk Amerikan fuq siti nukleari fl-Iran, il-korp ewlieni tal-armata Iranjana ddikjara li “il-gwerra bdiet issa”.
Qabel kienu wegħdu ritaljazzjoni kbira jekk l-Istati Uniti jattakkawhom flimkien ma’ Iżrael. U issa qalu li l-kunflitt bejn l-Iran u Iżrael eskala għal gwerra sħiħa fil-Lvant Nofsani.
Intant, fl-Istati Uniti hemm opinjonijiet differenti dwar il-gwerra. Min-naħa waħda, is-senatur Lindsey Graham qalet li d-deċiżjoni ta’ Trump kienet waħda tajba.
Iżda min-naħa l-oħra, ir-rappreżentant Demokratiku Hakeem Jeffries qal li Trump gideb lill-pajjiżu, fejn wiegħed paċi fil-Lvant Nofsani – wegħda li issa kiser.
Minkejja li Trump iddeskriva l-attakk bħala wieħed ta’ suċċess, rapporti jindikaw li s-sit f’Fardow jinsab mijiet ta’ metri taħt l-art.
Fil-Lvant Nofsani hemm madwar 40–50 elf suldat Amerikan, li issa huma mistennija li jkunu fuq allert għoli.
