Tifel ta’ sitt snin tilef ħajtu wara li nstab mitluf minn sensih f’pool privata fiz-zona ta’ Bahar ic-Caghaq.
Il-kaz sehh għall-ħabta tal-5.30pm.
Rapporti qed jindikaw li t-tifel kien ma’ xi qraba f’għelieqi li għandom fl-inħawi, u f’hin minnhom ma deherx aktar. Kif indunaw b’hekk, huma marru jfittxuh u minnufih infurmaw lill-Pulizija.
Diversi sezzjonijiet tal-Pulizija u tobba bdew it-tfittxijiet fiz-zona.
Ftit wara, bl-użu ta’ drone tal-Pulizija, it-tifel deher f’pool ta’ residenza oħra mitluf minn sensih.
It-tifel ittieħed l-Isptar Mater Dei b’ambulanza iżda tilef ħajtu ftit tal-hin wara.
Il-Maġistrat Joe Mifsud fetaħ inkjesta.
