L-ewwel ritratt minn teleskopju qawwi ġdid f’Ċili ġie mħabbar, fi żvilupp li mistenni jkun rivoluzzjonarju għall-istudju tal-ispazju ta’ barra.
Dan it-teleskopju jinsab fl-Osservatorju Vera C. Rubin, li fih hemm l-aktar kamera diġitali b’saħħitha fid-dinja.
Ix-xjentisti qed jgħidu li, jekk teżisti d-disa’ pjaneta fis-sistema solari tagħna, dan it-teleskopju jista’ jsibha fl-ewwel sena tiegħu.
Minbarra dan, għandu l-kapaċità jidentifika asterojdi perikolużi li jistgħu jolqtu d-dinja, u jimmappa l-Milky Way.
F’konferenza tal-aħbarijiet, intqal li f’10 sigħat, it-teleskopju sab 2,104 asterojdi ġodda u 7 oġġetti tal-ispazju ħdejn id-dinja. Normalment, kull metodu ieħor s’issa flimkien isib madwar 20,000 kull sena.
