Raġel ta’ 59 sena residenti l-Iklin jinsab f’kundizzjoni serja wara li aktar kmieni dalgħodu kien qiegħed jogħdos fiċ-Ċirkewwa.
Kien għall-ħabta tad-9am x’ħin intalbet l-għajnuna hekk kif l-għaddas kellu bżonn l-assistenza wara li kien ittella’ mill-baħar minn xi nies.
Hu beda jingħata assistenza medika fil-post, u ftit wara ttieħed b’ambulanza l-Isptar Mater Dei.
Bil-każ ġie infurmat il-Maġistrat Ian Farrugia li ħatar Inkjesta.
L-investigazzjonijiet mill-Pulizija għadhom għaddejjin.
