Id-Direttorat tas-Saħħa Ambjentali fi ħdan is-Supretendent tas-Saħħa Pubblika informa lill-pubbliku li, bħala prekawzjoni, l-għawm mhux rakkomandat fil-bajja ta’ San Tumas f’Wied il-Għajn minħabba żbroff ta’ ilma maħmuġ fil-viċinanza tal-latrini pubbliċi.
Dan jista’ jaffettwa l-kwalità tal-ilma għall-għawm u jippreżenta riskju għas-saħħa tal-għawwiema.
L-Uffiċjali tas-Saħħa Ambjentali (EHOs) bħalissa qed jinvestigaw biex jiddeterminaw is-sors tal-kontaminazzjoni.
F’dan l-istadju, it-tul tal-kontaminazzjoni ma jistax jiġi previst.
