Il-grupp leġġendarju Oasis irrtorna flimkien, bl-aħwa Liam u Noel Gallagher jagħmlu l-ewwel kunċert tagħhom wara 16-il sena. It-tour ta’ Oasis beda l-Ġimgħa f’Principality Stadium f’ Cardiff f’ Wales, u fost il-ħafna emozzjonijiet li ġab miegħu dan il-kunċert, Oasis taw ukoll tislima xierqa lill-aħwa Diogo Jota u lil Andre’ Silva li tilfu ħajjithom taġikament il-Ħamis filgħodu f’inċident tat-traffiku f’Zamora ġewwa Spanja.
L-aħwa Gallagher huma magħrufa għall-imħabba kbira li għandhom għall-futbol Ingliż, speċjalment għal Manchester City, pero f’dan il-każ ir-rivalità ma fissret xejn, u matul il-kanzunetta ‘Live Forever’ intwera ritratt enormi ta’ Diogo Jota liebes il-flokk ta’ Liverpool bin-numru 20.
