Is-sistema tal-‘electornic line-caling’, sistema teknoloġika ġdida li qed tintuża fil-Grand Slam ta’ Wimbledon għall-ewwel darba, naqset milli taħdem kif suppost waqt il-partita mir-raba’ rawnd bejn Anastasia Pavlyuchenkova u Sonay Kartal.
Jirriżulta li s-sistema naqset milli tidentifika azzjoni fejn il-backhand ta’ Kartal deher li ħareġ barra mil-linji tal-court f’mument fejn il-partita kienet 4-4. L-umpire Nico Helwerth waqqaf il-partita fejn minkejja li r-ripetizzjoni fuq it-televiżjoni wriet ċar li l-ballun kien ħareġ mill-court, is-sistema naqset milli taħdem f’dak il-mument.
B’konsegwenza ta’ dan, il-punt kellu jerġa’ jintlagħab fejn Kartal sussegwentament rebħet dan il-punt.
Matul din l-ewwel ġimgħa, l-‘electronic line system’ kienet qegħda taħt skuritnju hekk kif il-maġġoranza tat-tennisti qalu li mhumiex jafdaw is-sistema.
