In-numru ta’ persuni ġejjin minn pajjiżi terzi u ħallsu għal xi servizz mediku mogħti mill-Isptar Mater Dei fl-2025 diġà jammonta għal 1,787. Dawn il-pazjenti ta’ nazzjonalità barranija ħallsu s-somma komplessiva ta’ €1,323,284.36.
Dwar il-persuni barranin li ġejjin minn pajjiżi terzi li użaw is-servizzi tas-saħħa fl-ewwel nofs ta’ din is-sena, tkellem fil-Parlament il-Ministru għas-Saħħa Jo Etienne Abela meta wieġeb mistoqsija tad-Deputat Nazzjonalista Ivan Bartolo.
