Żagħżugħ Albaniż ta 18-il sena jinsab fil-periklu tal-mewt wara ħabta bejn żewġ jet skis fl-akwati tal-Bajja tal-Balluta.
L-inċident seħħ il-ġimgħa, għall-ħabta tal-4.30 ta’ waranofsinhar. fejn minnufih il-Pulizija marret fuq il-post tal-inċident u minn stħarriġ preliminari rriżulta li l-vittma kien sofra minn ġrieħi gravi. Wara l-ħabta, huwa ttieħed lejn l-art permezz ta’ dinghy u wara ttieħed l-Isptar Mater Dei b’ambulanza.
L-investigazzjonijiet tal-pulizija dwar il-każ, għadhom għaddejjin.
