Waqfien mill-ġlied fil-belt Sirjana ta’ Sweida qed iseħħ bħalissa, iżda t-tensjonijiet jibqgħu perikolużi hekk kif is-sitwazzjoni umanitarja tmur għall-agħar.
Ġellieda tribali Għarab, li kienu involuti fi ġlied aħrax ġewwa l-belt ġurnata biss qabel seħħ il-ftehim tal-waqfien mill-ġlied, issa rtiraw u qed jikkampjaw barra d-daħla tal-punent. Il-forzi tas-sigurtà Sirjani waqqfu barrikati madwar 25km miċ-ċentru tal-belt sabiex jipprevjenu aktar eskalazzjoni.
Minkejja waqfien mill-ġlied bejn il-mexxejja Drużi ġewwa l-belt u t-tribujiet Beduini, il-frustrazzjoni qed tikber fost ġellieda tribali armati li huma ħerqana biex jerġgħu jibdew il-ġlied mill-ġdid.
Khalaf al Modhi, mexxej tat-Tribujiet Magħquda, ħeġġeġ lill-ġellieda biex jirrispettaw il-waqfien mill-ġlied, filwaqt li kkundanna lill-kleriku Drużi Hikmat al Hijiri, li bosta jakkużawh bħala bniedem vjolenti.
Fi Suweida, madwar 30,000 persuna, ħafna minnhom Drużi, jinsabu mingħajr elettriku, internet limitat, u provvisti kritikament baxxi ta’ ikel u ilma. Il-milizzja Druża, qed timblokka l-għajnuna tal-gvern, u tapprofondixxi n-nuqqas ta’ fiduċja lejn it-tmexxija l-ġdida tas-Sirja.
