Il-Lionesses għelbu lil Spanja fil-finali tal-EURO 2025 biex rebħu t-tieni UEFA Women’s EURO fl-istorja, u t-tieni waħda infila hekk kif l-Ingilterra kienet rebħet dan l-unur fl-aħħar edizzjoni li saret fl-2022 fejn dakinhar kienu għelbu lil Ġermanja bl-iskor ta’ 2-1.
L-Ingliżi ma kellhomx partita faċli kontra Spanja, tant kemm hu hekk li wara 90 minuta l-iskor finali jkun 1-1, u wara nofsiegħa oħra ta’ ħin barrani l-partita tmur għall-għoti tal-penalties hekk kif l-iskor baqa’ l-istess.
Matul il-partita, Spanja ddominat f’kull aspett tal-logħba hekk kif kellhom iżjed xuttijiet, xuttijiet lejn il-lasta kif ukoll iżjed pussess tal-ballun – 60% għal Spanja filwaqt li l-Ingilterra jkollha biss 40%.
Apparti minnhekk, Spanja kellhom 7 tentattivi lejn ix-xibka minn total ta’ 18-il xutt, filwaqt li l-Ingliżi kellhom biss 5 xuttijiet lejn ix-xibka minn total ta’ 8 xuttijiet.
Spanja rnexxielhom jiftħu l-iskor l-ewwel permezz tal-midfielder Maronia Caldentey li tilagħab propju fl-Ingilterra ma’ Arsenal. Caldentey issib ix-xibka wara 25 minuta logħob minn assist ta’ Battle.ż
L-Ingliżi jillivelaw l-iskor tal-attakkanta ukoll ta’ Arsenal, Alessia Russo minn assist tas-sostituta, u akkwist ġdida ta’ Arsenal, Chloe Kelly fis-57 minuta.
L-ewwel 90 minuta jintemmu bl-iskor ta’ 1-1, biż-żewġ timijiet jitħlu għal ħin barrani fejn anke’ hemm l-iskor jibqa’ indaqs, biex dan ifisser li jingħata bidu għall-għoti tal-penalties.
L-Ingliżi bdew fuq sieq ħażina minnufih hekk kif Beth Mead falliet il-penalty tagħha, filwaqt li Patricia Guijarro għal Spanja tikkonverti tagħha, pero x-xorti kollha tinbiddel fir-rawnds li jmiss, hekk kif Alex Greenwood u Niamh Charles jiskorjaw it-tieni u t-tielet penalty konsekuttiv, filwaqt li l-iskorer Mariona Caldentey u r-rebbieħa tal-Balon d’Or tan-nisa, Aitana Bonmati t-tnejn ifallu l-penalties tagħhom għal Spanja.
Hekk kif l-Ingilterra jkollhom iċ-ċans jiġu nkurunati champions, Leah Williamson tfalli l-penalty tagħha, u Spanja għandhom ċans għar-risposta, madankollu Salma Paralluelo tfalli l-unika ċans li Spanja terġa titħol fit-tiġrija hekk kif tefat il-ballun barra fir-raba’ rawnd.
Chloe Kelly, is-sostituta li daħlet fil-41 minuta u pprovdiet l-assit kruċjali tal-gowl tad-draw, kienet inkarigata mill-aħħar penalty, u bil-kalma kollha hi kkonvertiet biex l-Ingliż isaru ċ-champions tal-Ewropa għat-tieni darba konsekuttiva.
