Tinstab l-arma li intużat f'dan il-qtil doppju
Jismu Carmelo Ciantar ir-raġel ta’ 72 sena li qed ikun interrogat mill-Pulizija bħala s-suspettat ewlieni b’rabta mad-delitt doppju li seħħ fir-Rabat ilbieraħ – preċiżament fiz-zona magħrufa bħala tal-Kunċizzjoni.
Ciantar, magħruf bil-laqam ‘Id-Durga’, kien arrestat viċin il-kumpless PAMA sagħtejn wara li seħħet l-isparatura fl-għelieqi tal-Kunċizzjoni.
L-anzjan kien ħarab mill-post tad-delitt b’vann, u twaqqaf mill-Pulizija wara tfittxija estensiva li kienet għaddejja għalih.
Jirriżulta wkoll li l-arma li ntużat fid-delitt instabet fil-vann tal-allegat qattiel. Dan filwaqt li hu, matul il-lejl, ittieħed l-isptar.
