Mara ta’ 66 sena ngħatat il-ħelsien u ġiet illiberata bil-kundizzjoni li ma twettaqx reat ieħor għal sitt xhur wara li ammettiet li waqqfet karozza sportiva u għamlet ħsara fit-tieqa tal-karozza li kienet qed tinstaq b’veloċità eċċessiva fil-Gżira, u wara li ħallset lis-sid għad-danni li wettqet.
L-inċident seħħ il-Ħadd li għadda, meta l-mara waqqfet karozza u għamlet ħsara lit-tieqa ta’ quddiem. Fil-Qorti, il-prokuratur legali Quinton Tanti spjega li dan kien każ mhux tas-soltu u li l-mara kienet għaddiet minn esperjenzi diffiċli fil-ħajja, inkluż it-telfa ta’ membru tal-familja f’inċident tat-traffiku — fatt li seta’ wassal għar-reazzjoni tagħha.
Il-prosekuzzjoni, immexxija mill-Ispettur Elton Buckingham, ikkonfermat li s-sid tal-karozza rċieva ħlas għat-tieqa miksura, u b’hekk il-Qorti, preseduta mill-Maġistrat Leonard Caruana, illibera lill-mara bil-kundizzjoni li ma twettaqx reat għal perjodu ta’ sitt xhur.
