Il-kabinett tas-sigurtà ta’ Iżrael approva pjanijiet biex jieħu kontroll sħiħ tal-Belt ta’ Gaza.
Id-deċiżjoni ttieħdet wara diskussjonijiet immexxija mill-Prim Ministru Benjamin Netanyahu, li ddikjara li Iżrael għandu l-għan li jegħleb il-Hamas kompletament u eventwalment jagħti t-territorju lil forzi Għarab.
Iċ-Chief of Staff tal-IDF Eyal Zamir wissa li dan jista’ jipperikola ostaġġi Iżraeljani u jestendi żżejjed il-militar. Il-familji tal-ostaġġi pprotestaw kontra l-espansjoni, u akkużaw lil Netanyahu li qed jirriskja l-ħajjiet biex iżomm il-poter politiku.
Dan qed iseħħ wara 22 xahar ta’ gwerra li f’waqtha sfaw mejtin aktar minn 61,000 Palestinjan. Aktar minn 60% tal-infrastruttura ta’ Gaza ġiet meqruda, u n-Nazzjonijiet Uniti twissi dwar kundizzjonijiet ta’ nuqqas ta’ ikel.
