Bħala miżura ta’ prekawzjoni bbażata fuq ir-rapport ta’ Novo Nordisk, qed isir irtirar fil-livell tal-pazjent tal-Ozempic – injezzjoni mimlija f’pinna bin-numru tal-lott u d-data ta’ skadenza preżentati hawn taħt.
Dan l-irtirar japplika għal dan il-lott biss:
Numru tal-Lott PP5N682::RN287
Data ta’ Skadenza 02/2027
L-awtoritajiet Maltin wissew li jekk għandek fil-pussess tiegħek Ozempic injezzjoni mimlija f’pinna li tappartjeni għal dan il-lott:
- Waqqaf l-użu tal-prodott affettwat
- Ikkuntattja l-ispiżerija tiegħek biex tivverifika l-lott tal-mediċina
- Irritorna l-pakkett affettwat lill-ispiżerija minn fejn xtrajt il-mediċina
- Kellem lill-ispiżjar jew lit-tabib tiegħek għal parir kif tkompli l-kura tiegħek
Is-Supretendent tas-Saħħa Pubblika bħala l-Awtorità tal-Liċenzjar bl-għajnuna tal-Awtorità Maltija dwar il-Mediċini qed jaħdmu b’mod attiv mal-partijiet interessati biex jissalvagwardja kwalunkwe riskju possibbli għas-saħħa pubblika.
Kull min għandu xi mistoqsijiet, irid ikellem lill-ispiżjar jew lit-tabib personali.
