Il-President tal-Ukrajna Volodymyr Zelenskyy ċaħad bil-qawwa kwalunkwe suġġeriment li l-Ukrajna se tagħti l-art biex tikseb il-paċi mar-Russja. Meta tkellem nhar is-Sibt, Zelenskyy qal li l-Ukrajna “mhux se tagħti lir-Russja l-ebda premju għal dak li għamlet” u enfasizza li l-Ukreni “mhux se jagħtu l-art tagħhom lill-okkupant.”
Dan wara rapporti li uffiċjali Ukreni u Ewropej issottomettew kontroproposta lill-Istati Uniti bi tweġiba għal offerta ta’ waqfien mill-ġlied Russa li kienet tinkludi skambju ta’ Donetsk u Luhansk għall-paċi. Il-kontroproposta, titlob lill-Ukrajna u l-Ewropa biex ikunu ċentrali fi kwalunkwe negozjati futuri u titlob ukoll waqfien mill-ġlied qabel aktar taħditiet.
L-istess kontroproposta kienet ippreżentata lill-Viċi President tal-Istati Uniti JD Vance u s-Segretarju tal-Istat Marco Rubio waqt laqgħa fir-Renju Unit.
