Taljan ta’ 21 sena, jinsab fil-periklu tal-mewt wara li tilef il-kontroll tal-mutur tiegħu tal-għamla Kymco Agility, u ħabat ma’ barrikata tal-konkos.
Il-każ seħħ għall-ħabta tal-05:30 ta’ filgħodu fi Triq Sant’Andrija, Pembroke.
Fuq il-post issejħu l-Pulizija u ambulanza ħadet liż-żagħżugħ l-isptar Mater Dei fejn ġie ċċertifikat li weġġa’ serjament.
Bil-każ kienet infurmata il-Maġistrat Monica Borg Galea li ħatret inkjesta, filwaqt li l-Pulizija għaddejja bl-investigazzjonijiet.
