Fil-finali tal-Masters tal-Arabja Sawdija, kien Neil Robertson li ħareġ rebbieħ 10-9 kontra Ronnie O’Sullivan biex b’hekk rebaħ £500,000.
Din ir-rebħa kienet waħda sinifikanti għal Robertson fit-tentattiv tiegħu li jerġa jitla’ fil-quċċata tar-rankings. Ir-rebbieħ dinji fl-2010 kellu bidu mhux daqstant pożittiv għall-istaġun tiegħu meta beda barra mill-aqwa 16 fir-rankings. L-istaġun tiegħu ħa żvolta pożittiva bir-rebħ tal-Open tal-Ingilterra u l-World Grand Prix.
Fi tmiem il-partita, Robertson qal li dan l-unur kien ifisser ħafna u jittama li l-istorja tiegħu tispira aktar atleti żgħar fl-età.
