Ir-rapporti annwali tal-Uffiċċju tal-Kummissarju għas-Saħħa Mentali għas-snin 2023 u 2024 għadhom ma tpoġġewx fuq il-Mejda tal-Kamra tal-Parlament u ser ikunu qed jiġu ppreżentati f’xi seduta oħra.
Dan ikkonfermah il-Ministru għas-Saħħa Jo Etienne Abela meta fl-aħħar ġurnata li ltaqa’ l-Parlament wieġeb mistoqsija tad-Deputat Nazzjonalista Graziella Attard Previ.
L-aħħar li tqiegħdu kienu r-rapporti annwali tal-Uffiċċju tal-Kummissarju għas-Saħħa Mentali għas-snin 2020, 2021 u 2022.
