Kull Settembru l-Fondazzjoni ST JEANNE ANTIDE tappoġġja lit-tfal li l-familji tagħhom li qed isibuha diffiċli biex jaffordjaw l-affarijiet bażiċi — żraben tal-iskola, backpack, u uniformi. Filwaqt li xi wħud jibbenefikaw minn skema ta’ għajnuna, ħafna oħrajn mhumiex eliġibbli u għandhom bżonn l-għajnuna tiegħek biex jibdew is-sena skolastika b’dinjità.
Tista’ tgħin billi tagħti donazzjoni ta’ provvisti tal-iskola; tagħti donazzjoni finanzjarja biex il-Fondazzjoni tgħin fix-xiri u f’dak li jonqos; jew tħalli d-donazzjonijiet fl-uffiċċju f’Ħal Tarxien (51, Ċentru Antida, Triq Tarxien, Ħal Tarxien).
Il-familji jistgħu wkoll iżuru l-ħwienet tal-Bazaar tal-Fondazzjoni għall-oġġetti tal-iskola. L-għan hu li jkunu megħjunu tfal li jħossuhom kburin, ippreparati, u lesti biex jitgħallmu.
Tista’ wkoll tidħol biex tagħti donazzjoni: https://donorbox.org/school-supplies-appeal-2025-2026 permezz ta’ BoVPay u APS P2M fuq 77347791 jew ibgħat SMS fuq 50619217 (€11.65).
