Taljan ta’ 29 sena ġie arrestat mill-pulizija wara li rċieva pakkett li kien ġej minn barra minn Malta, b’madwar 4 kilogrammi ta’ sustanza suspettata, MDMA, b’valur fit-triq ta’ €200,000. Il-Każ seħħ nhar il-Ħamis filgħodu , hekk kif il-pulizija qassmet dan il-pakkett fl-indirizz imniżżel fil-Gżira u wara investigazzjonijiet u konsenja kkontrollata, arrestat lit-Taljan li ġabar il-pakkett. Ir-raġel mistenni jitressaq il-Qorti l-Ġimgħa għal ħabta tal-ħdax u nofs ta’ dalgħodu quddiem il-Maġistrat Yana Micallef Stafrace.
