Raġel spiċċa rikoverat l-isptar Mater Dei wara li intlaqat minn karozza fil-Gżira, viċin l-Istadium l-antik.
Il-każ seħħ għall-ħabta tal-10pm fi Triq D’Argens.
Net News jinsab infurmat li r-raġel kien qed isuq scooter elettriku meta għal xi raġuni intlaqat minn karozza tat-tip Peugeot.
Il-karozza kienet misjuqa minn raġel ta’ 60 sena minn Birżebbuġa.
Fil-post waslu uffiċjali tal-Pulizija kif ukoll ambulanza.
Il-kundizzjoni u l-indentità tar-raġel li kien bl-iscooter għadha mhix magħrufa.
