Talanqas 50 immigrant mietu, b’madwar 100 oħra jispiċċaw irrappurtati nieqsa wara li dgħajsa – speċi ta’ kenura — iffullata bin-nies inqalbet ‘il hinn mill-kosta tal-Mawritanja, fil-majjistral tal-Afrika.
Il-gwardjani tal-kosta, intant, salvaw mas-17-il persuna miz-zoNa tat-traġedja waqt li kompliet it- tfittxija intensiva għan-nieqsa. Mifhum li l-kenura kienet qed twassal lil dawn l-immigranti lejn il-Gżejjer Kanarji ta’ Spanja.
Ir-rapporti qalu li l-opra tal-baħar ikwistjoni kienet telqet mill-Gambja kważi ġimgħa qabel l-inċident fatali u meta mifhum li fuqu kien hemm aktar minn 170 immigrant – fil-parti kbira eks-residenti tal-Gambja flimkien ma’ numru ta’ Senegaliżi.
