It-tim ta’ Fenerbache keċċa lill-kowċ Jose Mourinho wara li kienu eliminati mill-play-off tal-UEFA Champions League minn Benfica. Il-kowċ Portugiż ta’ 62 sena kienu ilu mat-tim Tork ftit aktar minn sena.
Matul il-karriera tiegħu Mourinho mexxa 10 klabbs fosthom Real Madrid, Chelsea u Manchester United.
Fl-istaġun li għadda wassal lil Fenerbache sat-tieni post fil-Kampjonat tat-Turkija. Il-perjodu ta’ Mourinho ma’ Fenerbache kien mimli kontroversja. Galatasaray qalu li se jiftħu proċeduri legali kontra Mourinho wara li allegament għadda kummenti razzisti wara l-partita ta’ Frar li għadda. Hu ċaħad l-allegazzjonijiet u fetaħ libell.
