Fil-Bażilika Arċipretali ta’ Santa Marija fil-Mosta, nhar il-Ġimgħa 5 ta’ Settembru ser tingħata l-aħħar tislima lid-direttur Malti Charles Stroud.
Stroud, jibqa’ mfakkar fost ħafna affarijiet oħra bħala wieħed mill-pilastri fit-twaqqif ta’ Net TV
Charles Stroud ta’ 75 sena, miet fis-16 ta’ Awwissu waqt li kien qiegħed jieħu l-kura għal kanċer fir-Renju Unit. Il-katavru tiegħu issa nġab lura f’Malta u b’hekk tħabbru d-dettalji tal-funeral.
Il-korteo jitlaq mill-isptar Mater Dei fit-8am, għall-Bażilika tal-Assunta fejn imbagħad ser issir il-quddiesa fit-8:30am.
Il-familja qed titlob biex minflok fjuri jsiru donazzjonijiet lil Puttinu Cares.
