Minkejja li l-aħbar tal-għeluq tal-fabbrika Carlo Gavazzi ilha issa tinħema għal dawn l-aħħar 3 ġimgħat – il-Gvern bħal donnu xorta waħda nqabad fuq sieq waħda. Dan ifisser li l-Gvern ta’ Robert Abela u l-Ministru Silvio Schembri jew baqgħu reqdin, jew żammew kollox moħbi mill-impjegati.
Wara r-rapporti internazzjonali, r-rapporti tal-media lokali inkluż ta’ Net News u l-istqarrija tal-General Workers Union – il-Gvern ħareġ stqarrija fejn qal li se jkun qiegħed jipprovdi assistenza lill-140 ħaddiem li se jitilfu l-impjieg tagħhom sabiex isibu xogħol ieħor…u fejn hemm bżonn aċċess għal taħriġ.
Dan ifisser li fl-ebda mument ma offra garanziji li dawn il-ħaddiema se jkunu qed isibu xogħol.
Il-Gvern spjega li daħal f’diskussjoni mal-kumpanija Żvizzera sabiex il-ħaddiema jingħataw is-sostenn meħtieġ.
Intant, surrealment waqt li kumpanija li ilha topera f’Malta 37 sena ħabbret li se tkeċċi lill-ħaddiema u titlaq minn pajjiżna – għadu qed jiftaħar bil-mudell ekonomiku li mbarka fuqu.
//= $special ?>