“L-intervent tal-awtoritajiet fl-aħħar minuta mhux se tibqa’ strateġija vjabbli. Pajjiżna għandu bżonn jara li mhux biss jattira iżda jżomm l-investiment.”
Sostna dan il-Kap Eżekuttiv tal-UĦM Voice of the Workers Josef Vella hekk kif insista li dan hu mument ta’ dieqa mhux biss għal madwar 140 ħaddiem li tilfu xogħolhom iżda għas-suq tax-xogħol kollu f’Malta.
Huwa saħaq li l-UĦM se tkun qed tagħmel l-isforzi kollha possibbli sabiex dawn il-ħaddiema jieħdu dak li ħaqqhom u jkunu osservati l-klawżoli kollha tal-liġi li jirregolaw sitwazzjonijeit bħal dawn.
Intant, il-UĦM spjegat li qed tirrappreżenta madwar 70 ħaddiem f’diversi gradi fosthom inġiniera, tekniċi, managers u klerikali.
