Il-Kamra tan-Negozju għal Għawdex ippreżentat il-proposti tagħha għall-Budget.
Il-Kamra tan-Negozju għal Għawdex għadha kemm ippreżentat il-proposti tagħha għall-Budget 2026: bit-tema Driving Diversification, Empowering People.
Proposti li l-Kamra ddiskrivithom bħala passi li jippromwovu ekonomija aktar reżiljenti, kompetittiva u inklussiva għal Għawdex.
Il-proposti qasmuhom f’ħames sezzjonijiet differenti . U waħda mill-proposti tiffoka fuq it-titjib fl-infrastruttura tal-Port tal-Imġarr permezz ta’ riklamazzjoni tal-art, filmkien ma’ infrastruttura neċessarja għall-elettrifikazzjoni tal-flotta tal-Gozo Channel.
Proposta oħra hija li titwaqqaf Migrant Workforce Integration Unit li tkun toffri sapport, gwida legali u taħriġ fil-lingwa u l-kultura.
Tiġi ntrodotta skema ta’ sapport li permezz tagħha l-intapriżi żgħar Għawdxin jingħataw €3,000 fis-sena biex jgħinu l-impjegati tagħhom. Għajnuna li tkun tista’ tissarraf f’għajnuniet prattiċi ta’ sostenn lil ħaddiema.
Dawn huma ftit mill-proposti diversi li ppubblikat il-kamra tan-negozju għal Għawdex; proposti li ġew fformulati mhux biss biex jindirizzaw problemi mmedjati speċjalment fejn tidħol l-aċċessibilità, iżda wkoll bl-għan li jistabilixxu l-pedamenti għall-bidla ekonomika fit-tul li Għawdex tant teħtieġ.
