It-taħwid fi ħdan il-gvern ta’ Abela jkompli
L-isptar Monte Carmeli kien ntitulat għal €10 miljuni f’fondi mill-Unjoni Ewropea. Iżda, jidher li hemm taħwid kbir fejn jidħol l-ippjanar u l-immaniġjar ta’ dan il-proġett. Proġett illi jaqa’ taħt il-Ministeru tas-Saħħa, li diġà tawwal sena fejn jidħlu tenders, hekk kif dan il-proċess propja tnieda lura fl-2024. U issa jidher li dan ġie kanċellat.
Il-Ministru JoEtienne Abela, sissa, għadu ma ta ebda spjegazzjoni dwar din id-deċiżjoni u lanqas biss ikkummenta x’ser jiġri minn dawn il-miljuni, frott ta’ fondi Ewropej.
Id-dubji u l-kontroversji fi hdan dan il-proċess tat-tenders mill-bidu kienu preżenti.
Lura f’Ġunju 2024, propju ftit ġimgħat wara li ġie mħabbar mill-Ministeru l-għeluq tal-isptar Monte Carmeli u li ser jiġu trasferuti l-pazjenti għal faċilitajiet fil-kommunità, il-Ministeru ppubblika tender ġdida ta’ €10.2 miljun sabiex titwaqqa u terġa’ tinbena mill-ġdid ward fil-faċilità tas-saħħa mentali.
Skont it-tender moħruġa jidher li kien ser ikun hemm 16-il sodda fis-sala tal-irġiel, li kienet ser tipprovdi kura psikjatra.
Iż-żmien meta ħarġet it-tender kienet jikkontradixxi dak li kien ħabbar il-Ministru, li ser jagħalaq l-isptar sħiħ. Intant, kelliem għal Ministeru għas-Saħħa, tkellem ma The Shift fejn qallu li t-tender pubblikata kienet verżjoni qadima u li kien għadha ma ġietx aġġornata.
F’Settembru 2024 għalaq iż-żmien li kuntratturi setgħu jitfgħu t-tenders, b’diversi kienu dawk li ssottomessew applikazzjoni.
Minkejja dan, issa li għaddiet kważi sena, id-Dipartiment tal-Kuntratti ħabta u sabta ħabbar li kkanċella t-tender. Issa, dawk li xeħtu l-applikazzjoni tagħhom għandhom biss ftit ġimgħat sabiex jappellaw id-deċiżjoni billi jħallsu depożitu ta’ €50,000.
Din l-aħħar kanċellazzjoni ta’ tender hija biss parti mid-diversi proġetti ta’ tħassib fil-qasam tas-saħħa.
