Jisimha Robin Westman, il-qattiela tat-tfal fil-belt ta’ Minnesota…Persuna transgender li, fl-età ta’ 17-il sena, iddeċidiet li tibdel isimha minn Robert għal Robin, u li għall-aħħar snin kienet tidentifika ruħha bħala mara.
L-awtoritajiet żvelaw, issa, li l-aggressur – li qatlet lilha nnfisha wara li sparat mit-twieqi ta’ knisja lejn numru ta’ tfal Kattoliċi li kienu qed jattendu għall-quddies waqt il-bidu tas-sena skolastika – kienet ossessjonata dwar il-qtil tat-tfal, minbarra li kienet tadura lill-qattiela tal-massa famużi.
Il-knisja fejn seħħ ir-reat tifforma parti minn skola dedikata lill-Assunta fejn jattendu tfal Kattoliċi.
U waqt li r-reat jidher li bbaża fuq sentimenti ta’ mibgħeda, il-pulizija għadhom qed jinvestigaw jekk Westman – eks-studenta tal-iskola – setgħetx riedet twettaq vendikazzjoni speċifika kontra xi persuni partikulari.
Hu ċert li l-aggressur kienet armata sa snienha u, fl-isparatura, użat azzarin tat-tip Kalashnikov u senter…
Sadanittant, il-policy tal-knisja biex tagħlaq il-bibien waqt il-quddies jidher li kienet fattur importanti li salvat il-ħajja ta’ ħafna mit-tfal fuq ġewwa u li, f’ċirkustanzi differenti, kienu jispiċċaw il-vittmi ta’ massakru ħafna akbar.
Ir-rapporti tal-awtoritajiet dwar il-profil ta’ Robin Westman komplew jixħtu dawl fuq il-personalità tal-aggressur, fost il-kummenti li hi “ma kienet taħmel lil ħadd” – minbarra li “kienet tieħu pjaċir tara lit-tfal isofru”.
Issa hu konfermat li l-vittmi tal-attakk huma żewġt itfal ta’ tmienja u għaxar snin — b’20 oħra, fil-parti kbira tfal, jisfaw midruba.
