Il-fabbrika Carlo Gavazzi se titlaq minn Malta
Net News jista’ jikkonferma r-rapporti li ħarġu fil-midja internazzjonali l-Ġimgħa filgħodu hekk kif 136 ħaddiem sfortuntament mistennija jispiċċaw bla xogħol.
Dan hekk kif fabbrika ewlenija f’Bulebel, Carlo Gavazzi, li ilha miftuħa f’Malta għal dawn l-aħħar 37 sena, sa mill-1988 se tkun qed titlaq minn Malta biex tkompli x-xogħol fil-Messiku u fiċ-Ċina.
Net News jista’ jikkonferma wkoll li dan il-proċess ta’ għeluq tal-fabbrika mistenni jieħu madwar sena, hekk kif mistennija tnaqqas il-produttività gradwalment.
Il-laqgħat mal-unions se jkunu qed ikomplu nhar it-Tlieta.
