Il-potenzi ewlenin tal-Ewropa bdew il-proċess lejn ir-restawr tas-sanzjonijiet tan-Nazzjonjiet Uniti fil-konfront tal-Iran…L-inizjattiva mir-Renju Unit, Franza u l-Ġermanja kienet ikkonfermata fost it-tensjoni dwar il-programm nukleari ta’ Tehran u meta s-sanzjonijiet ġodda, fil-fatt, għandhom ikunu l-istess sanzjonijiet li kienu tneħħew lill-Iran permezz tal-Ftehim Nukleari Storiku tal-2015.
Il-mekkaniżmu attivat mill-potenzi kapaċi jirriżulta fl-impożizzjoni mill-ġdid tas-sanzjonijiet għall-Iranjani sa 30 jum oħra.
Sadanittant, f’ittra lill-Kap tal-politika barranija tal-UE, Kaja Kallas, il-Ministeru Iranjan għall-Affarijiet Barranin qal li dawn it-tlett pajjiżi ma għandhom l-ebda ġurisdizzjoni legali biex jattivaw mill-ġdid is-sanzjonijiet. L-ittra kompliet li r-Russja u ċ-Ċina t-tnejn jappoġġjaw il-pożizzjoni ta’ Tehran.
L-Iran, sadanittant, wera li hu lest biex ikompli bin-negozjati ġusti u bilanċjati dwar il-programm nukleari tiegħu, jekk kemm-il darba ikun hemm rieda tajba min-naħa tal-potenzi tal-Ewropa.
