Steward Health Care, kienu ordnati jħallsu biljun dollaru wara li tqala li ma kellha l-ebda kumplikazzjonijiet irriżultat f’tarbija b’diżabbiltà severa.
Anyssa Zancanella tħallset biljun dollaru, wara li fittxet għad-danni lill-isptar ta’ Utah wara li l-Imħallef responsabbli minn dan il-każ iddikjara li it-tifla ta’ Anyssa, Azaylee kienet tkun aktar sigura kieku twieldet f’toilet f’pompa tal-petrol jew nkella fl-Afrika f’hut.
L-omm iddikjarat li kellha tqala mingħajr ebda inkwiet, spjegat li nfqala l-ilma f’Salt Lake City u li kienet wisq il-bogħod mill-istat fejn tgħix hi – għalhekk marret fl-isptar ta’ Utah.
Il-każ jgħid, illi l-omm kienet mgħotija dożi eċċessivi ta’ pitocin – hormone sintetika li hija verżjoni simili tal-hormone oxytocin. Bis-saħħa ta’ din il-mediċina, ir-rata tat-twelid tkun mgħaġġla aktar. U minkejja li kienet mgħotija dożi eċċessivi dan kien injorat mill-infermiera u t-tobba.
Intant, kien spjegat ukoll illi t-twelid b’ċesarja ma sarx sa ġurnata wara li hi ddaħħlet l-isptar u għaldaqstant it-tarbija sofriet nuqqas ta’ ossiġnu li kkaġuna ħsara fil-moħħ. Dan kollu minkejja li t-tabib kienet għarfet din is-sitwazzjoni.
B’riżultat ta’ dan, it-tarbija, Azaylee, sofriet numru ta’ diżabbiltajiet fiżiċi, emozzjonali u anke dawk mentali.
L-Imħallef iddikjara wkoll li l-Isptar operat minn Steward Health Care kien l-aktar post perikoluż sabiex titwieled din it-tarbija.
Intant, l-Imħallef spjega wkoll illi li kieku Steward baqgħu f’kuntatt mal-avukati, il-ħlas kien ikun għola.
Fl-aħħarnett, l-Imħallef tenna li mhux mifhum kif din il-familja se tkun qed tieħu l-pagament wara li Steward irtirat minn dan il-każ.
Steward Health Care huma l-istess kumpanija involuta, fil-konċessjoni tat-tliet sptarijiet Maltin u li nstabu ħatja li b’kollużjoni mal-għola uffiċjali tal-Gvern Laburista ħadu t-tliet sptarijiet ta’ pajjiżna.
