Is-sitt prova tat-80 edizzjoni tat-Tour ta’ Spanja la Vuelta kienet fuq medda ta’ 170.3 kilometri minn Olot sa Pal Andorra.
Suċċess għal Jay Vine tal-Awstralja għal UAE Team Emirates li għamel id-distanza f’4 sigħat 12-il minuta u 36 sekonda b’distakk vantaġġ ta’ 54 sekonda fuq Torstein Traeen tan-Norveġja għal Bahrain Victorious u minuta u 10 sekondi fuq it-Taljan Lorenzo Fortunato għal XDS Astana.
Fil-klassifika ġenerali b’total ta’ 20 siegħa 25 minuta 46 sekonda fl-ewwel post tela’ Torstein Traeen b’distakk ta’ 31 sekonda fuq Bruno Armirail ta’ Franza għal Decathlon AG2R la Mondiale u minuta u 10 sekondi minn Lorenzo Fortunato.
Is-seba’ prova hija fuq distanza ta’ 188 kilometru minn Andorra La Vella f’Andorra sa Cerler Huesca La Magia.
