Il-Ministru Owen Bonnici ma weġibx jekk id-Deputat Laburista Katya De Giovanni għandhiex fiduċja fih jew le.
Dan wara li tliet ġimgħat ilu f’post fuq Facebook l-eks Ministru Edward Zammit Lewis kien ikkritika l-kompożizzjoni tal-Working Group li waqqaf il-Prim Ministru Robert Abela sabiex f’temp ta’ xahar ikun jista’ jikkonsulta lill-pubbliku b’rabta mar-riformi tal-Ippjanar…. u b’De Giovanni tgħid li xtaqet li l-Grupp Parlamentari jkun aktar involut u li kellha biss fiduċja..f’uħud mill-membri magħżula.
Il-membri magħżula minn fost il-Kabinett kienu il-Ministri Clint Camilleri, Miriam Dalli, Jonathan Attard u proprju Owen Bonnici.
Issa li għaddew 3 ġimgħat minn tali stqarrija, u fadal biss madwar ġimgħa sakemm din il-kosultazzjoni tasal fi tmiemha….Net News staqsa lil Bonnici kellimx lil De Giovanni. Bil-Ministru jgħid li ma jiddiskutix lil sħabu ma’ Net News.
Id-Deputat Katya De Giovanni ħarġet bil-kritika tagħha fl-apert – fuq Facebook – għal xi wieħed minn dawn l-erbgħa….u ma utilizzatx l-għodda interni tal-Partit Laburista – f’kelma waħda ċapset lil kull Ministru f’dak il-working group. Ħaġa ċerta hi li fi kliem sempliċi, xi ħadd minnhom ma jgawdix il-fiduċja saħansitra ta’ Deputati Laburisti…u Owen Bonnici mhux kapaċi jgħid li mhux hu.
