Iċ-champions Napoli għelbu lil Cagliari bl-iskor ta’ 1-0 bil-gowl tar-rebħa jkun skorjat fl-aħħar ħinijiet tal-partita. Bil-partita dehret li se tintemm mingħajr gowls, kien Andre Zambo-Anguissa li ta rebħa lit-tim ta’ Antonio Conte.
Punti massimi għal Roma hekk kif barra minn darhom kisbu rebħa minima ta’ 1-0 fuq Pisa. Il-gowl uniku f’din il-partita wasal fil-55 minuta minn Matias Soule bl-istess plejer ikollu gowl imħassar permezz tal-VAR ħames minuti wara.
Bl-istess skor, Bologna għelbu lil Como bil-gowl deċiżiv ikun skorjat minn Riccardo Orsolini fid-59 minuta.
Draw ta’ 1-1 bejn Parma u Atalanta. Kienu Atalanta li marru fil-vantaġġ fid-79 minuta permezz ta’ Mario Pasalic. Parma ġabu l-iskor indaqs fil-85 minuta minn Patrick Cutrone.
SERIE A
Ilbieraħ
Cremonese v Sassuolo 3-2
Lecce v Milan 0-2
Illum
Bologna v Como 1-0
Parma v Atalanta 1-1
Napoli v Cagliari 1-0
Pisa v Roma 0-1
Għada
Genoa v Juventus 6.30pm
Torino v Fiorentina 6.30pm
Inter v Udinese 8.45pm
Lazio v Verona 8.45pm
