Is-sewwieq ta’ McLaren Oscar Piastri għeleb l-isfida ta’ sieħbu fit-tim Lando Norris biex b’hekk se jkun qed jibda fuq quddiem nett fil-Grand Prix tal-Olanda.
Piastri rnexxielu jegħleb l-isfida ta’ Norris b’0.012 ta’ sekonda fejn Lando Norris deher li kien se jkun hu li jirbaħ il-Pole.
Bħalissa Piastri għandu vantaġġ ta’ disa’ punti fuq Norris meta għad fadal 10 tlielaq oħra għal tmiem l-istaġun. Max Verstappen ta’ Red Bull temm fit-tielet post. Isack Hadjar temm fir-raba’ pożizzjoni u kien segwit minn George Russell.
Iż-żewġ sewwieqa ta’ Ferrari Charles Leclerc u Lewis Hmailton temmew fis-sitt u s-seba’ post rispettivament.
