Il-Ħadd qed titella’ maratona b’risq Dar Bjorn flimkien mal-għaqda ALS Malta għall-kundizzjoni tal-ALS, MND u kundizzjonijiet simili oħra.
Din il-maratona bdiet il-Ħadd għall-ħabta tan-nofsinhar u mistennija iddum sal-ħdax u nofs tal-Ħadd filgħaxija.
Għal din is-sena intagħżlet it-tema ‘Miegħek Jien’ – messaġġ ta’ solidarjetà u appoġġ għal persuni li jgħixu b’din il-kundizzjoni.
Matul l-jum tal-Ħadd hemm xandira diretta ta’ din il-maratona fuq Net Television, fejn kien hemm divertiment, stejjer ta’ kuraġġ u mumenti ta’ tama għas-segwaċi.
Din il-maratona qed isir bil-għan li jinġabru il-fondi sabiex titkompla tissaħaħ il-ħidma ta’ Dar Bjorn u ankè tiżdied l-għajnuna għar-residenti ta’ Dar Bjorn.
Id-donazzjonijiet li jinġabru minn din il-maratona se jmorru direttament sabiex jappoġġjaw lill-pażjenti u l-familji tagħhom li jiddependu minn fuq DAR Bjorn.
Fuq il-midja soċjali, Bjorn Formosa saħaq kif l-ispirtu tiegħu għadu ħaj, u kif se jagħmel ħiltu sabiex jkun preżenti għal din il-maratona.
Intant, Bjorn Formosa flimkien mal-għaqdiet DAR Bjorn u ALS Malta qed iħeġġu lil kulħadd sabiex jgħinu l-persuni li jgħixu din il-kundizzjoni tal-ALS, u kif ukoll ir-residenti ta’ Dar Bjorn bili jagħtu donazzjoni.
